Psalm 6: Är ghört mis Gränne

(Ä David-Psalm zum singe u mit de Saite darbringe)

Tue nid bestrafe, Herr, i weiss, es isch schlimm
I ha Angscht vor de Gebrüeder Zorn u Grimm
Schänk Gnad, Herr, bi au mim verbocke
I bi inne u usse z töischt erschrocke

Dräi di um, Gott, bitte rett mi Seu
Um dire Güeti Wiuä, schänk mer Gfeu!
Bi de Tote verliert me a di ke Gedanke
Wär wott dir bi de Tote no danke?

I bi müed vom süüfze, i überschwemme mis Bett
I hätt nie dänkt, dass me so viu Träne het
Mini Ouge si bling worde, bitter u matt
Die, wo mi verarsche, traatsche sech satt

Dir Übutäter, göht ändlech dänne
Gott isch bimer, är ghört mis Gränne
Gott gseht, wie’s mer geit, är isch für mi da
Är lost mer zue, mis Gebät nimmt är a

Mini Finde gheie usem Läschteri-Groove
Gli nimmt Gott ne dr Schnuuf
Gli, da höre sie uf

Bild: pixabay.com

Zurück zu den Psalmen-Texten