Psalm 42

(Für dä Korachiter öpis bizbringe
Hie ä Text zum Singe)

Wie ne Glungge im Waud für d Hirsche u d Reh
Bisch du für mi Gott, wenn wirdi di gseh?
I ha Durscht nach dir, s’het mir d Träne tribe
Sie frage mi täglech: Wo isch di Gott blibe?

I dänke so gärn zrügg, wo mir Gott hei gfiiret
Eh u du, trüebi Seu, du, was hesch wider gliiret
Was plagt di, mi Seu, was beunruhiget di?
Mini Seu het Angscht, drum, Gott, a di dänkeni

A di dänkeni, we dini Wäue mi Fluete
I singe dir znacht, täglech schänksch du mir ds Guete
I säge Gott, du mi Feus, warum lahsch mi im Stich
Mi Find fragt mi: Meinsch geng no, Gott kümmeret sich?

Was plagt di, mi Seu, was bringt di i ds wanke?
Vertrou nur uf Gott, i wirde ihm de no danke