Psalm 39: Bevor i verga

(Ä Psaum vom David-Repetoir
Vom Jedutun füre Chef vom Chor)

I ha mir gseit, blibsch gschider stiu
Wiu geng zrügg z schlah, isch ja nid ds Ziu
So hani gschige, doch es het sehr weh ta
Sider isch i mim Härz es Süüfzer-Füür da

Säg mir doch, Herrgott, wenn bini verbi
Ds Läbe isch nume e Huuch, meh isch’s ni
Ä Huuch wie’ne Schatte, wo znacht chli tuet lärme
Mi Hoffnig tuet einzig, vo dir, mi Gott schwärme

Chumm, rett du mi bitte, mach mi nid zum Spott
Tue doch mis Muu uf, red du für mi, Gott
Nid ds Strube e wäg, i ertrges ni
Ä einzige Lufthuuch isch ds Mönsche-Dasii

Los uf mis Bätte, lueg mis Gränne a
Mach mi wieder munter, bevor i verga

Bild: pixabay.com

Zurück zu den Psalmen-Texten