Psalm 38: Mini Finde si eine am gäh

Herr, gang nüm mit mir i ds Gricht
I bi vo dine Pfile preicht
Mi Schultere isch ganz zerschunde
Ha eiteregi Dummheit-Wunde

I bi truurig u depressiv
Mi Blick isch läär, dr Äcke stiif
Mis Härz schreit uf vor luter Quau
Mis Sehne, Herr, du kennsch es gnau

Bi bling u chraftlos, bi am chiiche
D Lüt gö über mini Liiche
We’s si mues, bringt me mi haut um
Mis ganze Sii isch toub u stumm

I bi wie öper, wo sech nüm cha wehre
Uf di, Gott, wott i hoffe lehre
Sit doch stiu, wes mir scheisse geit
S’bruucht nüt, i bi i Schmärz zrügg gheit

I weiss, i mues mi o bi Nase näh
Doch mini Finde, die si eine am gäh
D Härzverträier, er-ruef-morde mi
Blib bi mi mir, Gott, verlah mi ni

Bild: pixabay.com

Zurück zu den Psalmen-Texten