Psalm 11: Was söu öper Grächts da nume mache?

I vertroue uf Gott
Dir redet i uf mi
„Flieh, du Vogu
I d Bärge, versteck di!“

D Gwautigä chöme
Mit Boge u Pfile
Heimlech tüe sie
Uf di Härzreine zile

Sie lö d Fundamänt
La zäme krache
Was söu öper Grächts
Da nume mache?

Aber Gott im Himmu
Isch nid bling
Är kennt se genau
Sini Mönscheching

Gott im Himmu
Het’s nid ignoriert
Dass dr Ungrächt
D Gwaut glorrifiziert

Dä Gwautigä wird
Für ihri Gwaut
Füür u Gluetwind
Aus Lohn uszaut

Gott, dr Herr
Är isch grächt
Di gwautlos Frommä
Kennä sis Gsicht

Bild: pixabay.com

Zurück zu den Psalmen-Texten